موووواقف مضحكه - منتديات الوزير التعليمية Arabic Minister Forums, Educational and Networking

**خلود** · 06 Feb 2006, 08:28 PM

مواقف .... مضحكه ....

مرة اخوي الصغير كان يتفرج على أفلام كرتون لقيته يقفل أبواب البيت ويقفل الشبابيك سألته ليش قال عشان ما يخلص الكرتون ويروح

----------------------------------------------------------
مرة اخوي الصغير كان عنده بكتاب العلوم رسمتين سمكه كبيرة والثانية صغيرة راح لون الصغيرة وما لون الكبيرة سأله الأستاذ ليش قاله الكبير يلون نفسه

----------------------------------------------
فيه عروس يوم الصبحيه دق جوال زوجها وكان على الرف الي جنبها راحت تسوي فيها خدومه من اولها راحت تمد يدها تلقط الجوال ... طاحت من السرير يووووو فشله وربى

---------------------------------------------
سوالف هالبزارين ما تنتهى واليكم منها
مرة اختى الكبيرة شرت فستان وكانوا عندنا بنات جيرنا وما كنت تبيهم يشفونه راحت قالت لاختى الصغيرة لا تعلمي البنات انى جبت الفستان بعدين يشوفونه ويقلدوني وراحت اختى الصغيرة عند بنات جيرنا سألوها عن اختى قالت لهم جابت فستانها بس قالت لي ما اعلم عشان ما تقلدونها
---------------------------------------------------------
فيه وحده دايما كان ينام اخوها بالمجلس وهي كانت متعودة تصحيه تقرصه وأحيان تضربه.. وأحيانا أخرى يتطور الأمرالى الرفس بالأرجل
وراحت كالعادة تبي تصحى اخوها وتلاقيه متغطى بالبطانيه وتقوم تدغدغه وتقرصه وتسحب البطانيه وهو متمسك بالبطانيه بكل ما أوتى من قوة قالت ما لها ألا الضرب وتقوم تضربه وترفسه برجلها وفجأه تسحب البطانيه ....... طلع مو أخوها.. ..طلع ولد عمهااا جاى من الديرة بايت عندهم وهي ما تدري

--------------------------------------------------------------
فيه وحده زميلتى شافت ولدها يمسك النمل ويحطه جنب أذنه سألته ليش : قال لها ابغا اعرف ايش تقول لبعضها هيا تتكلم مع بعضها وانا مانى فاهم

----------------------------------------------------------------
لما كنت بصف ثالث ابتدائي كنت دايما ارسم وما اخلى حصة فراغ الا وقعد ارسم وحتى بالحصص الثانيه كنت ارسم ومرة كان عندنا تسميع قران وكانت الابلى تسمع للبنات وكنت منهمكة في الرسم ومنطشه الدنيا والابلى تقول من مسويه الإزعاج هذا وانا اطالع والتفت من هالبنت قليلة الادب

طبعا محد يرد في نهاية الحصه اكتشفت الابلى انى انا مصدر الإزعاج و راحت الابلى تناديني رحت لها قامت عطتنى كف على وجهى وخذت رسمتى ولما شفتها رفعت حواجبها وعطتنى كف ثاني و خذتنى من ايدي للمديرة وورتها رسمتى لما شفتها رفعت حواجبها ما عطتنى كف لا عطتنى كم عصايه على ايدي
تدرون وش كنت رسمتى ببرأة ( عريس وعروسة ماسكين ايد بعض بس ...شفوا البرأة)

اعتبرت في ذالك الوقت قلة ادب وحياء وتم استدعاء الوالدة الي ما قصرت لا كف ولا مسطرة جابت لي المزرعه وطقتنى فيه اهيء اهيء من يومي معذبه

عاد تصدقون الحين الابلى ذي بنتها طالبه عندى....................
اتمنى اكون وسعت صدوركم
تحياتى

**الموج5** · 06 Feb 2006, 09:15 PM

مشكورررررررره بصراحه مواقف مضحكه بارك الله فيك

**ابو راكان 13** · 07 Feb 2006, 12:19 AM

مواقف مضحكة

اسعدك الله بالدارين

**خلود** · 07 Feb 2006, 12:27 AM

الموج 5
ابو ركان
سعدت بمروركما

**بن عبدالرحيم** · 07 Feb 2006, 02:03 AM

[align=center]

السلام عليكم ورحمة الله وبركاته

اختي الكريمه خلود

اسعد الله اوقاتك بكل خير

وسعتي صدورنا الله ينور دربك ويستر عليك

بس حاسس انك بتخلصين القديم في بنت الابلى[/align]

**خلود** · 07 Feb 2006, 12:58 PM

[align=center] هههههههههههههههههههههههه
تصدق نفس كلام اخواتى لما قلت لهم ان بنتها طالبه عندي
بس انا مو محتاجه اخلص القديم او الجديد
لأنى الآن مسئوله أمام الله .. . فهذه أمانه يجب ان نؤديها على الوجه الأكمل...
ومشكور على مروركم الكريم وجزاك الله الف خير
تحياتي لك[/align]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مواقف مضحكه ومحرجه مع الاطفال	ام رانسة	وزارة السوالف التعليمية وسعة الصدر Ministry precursors educational effort heart	0	29 Jan 2008 06:50 AM