فضيحة مدرسة دار الامان الاهليه بالمدينه - الصفحة 4 - منتديات الوزير التعليمية Arabic Minister Forums, Educational and Networking

**innocent angel** · 11 May 2008, 08:00 PM

حسبي الله ونعم الوكيل ..

وش هاذي المهزلة الي تصير بالمدراس حتى لو ما دفعو الرسوم مالهم أي أحقية انهم يوقفون البنات في الساحة حتى لو الجو كان حلو مع احترامي اخت جمالي في روحي بس هاذا الحل الوحيد انهم يمظوا الوقت بالقهوة ولا كمان يبون يحرمونهم منها والله عيب هاذا المستوى وهاذي المعاملة أولا في مدينة رسول الله وثانيا في هاذا الزمن والتطور .. حسبي الله ونعم الوكيل ..

أخـــتك _ innocent angel / الرياض

**جمالي في روحي** · 11 May 2008, 10:11 PM

بسم الله الرحمن الرحيم

اولا احب اقول حاجة وحدة انو عمر الانتقاد ما كان بطريقة الاكشن والصهللة وفضيحة وتعالوا يـلا شوفو قد ايش انا قوية واعرف اكتب كلام كبير .. يعني كان ممكن العنوان يكون ارقى ارقى من كدا بكتير .. على اساس انك توجيهي وربة مدارس وبنت فاهمة ..

تاني شي دائما الاتهام وابراز الجانب السلبي ومبدأ خدوهم بالصوت لا يغلبوكم هو مبدأ الضعفاء ..
يـلا تعالي يا مدرسة زي ما وقفتوني اجي انا القوية واكتب عنكم موضوع وانزلو في 1000 منتدى ووروني اش رح تعملوا .. وكإنك دحين جبتي الديب من ديلو
في حاجة احب اوضح لك هيا بس
لا تفكري انو بعد موضوعك كسرتي الدنيا وسرتي اشهر من نار على علم وقفلتي المدرسة واخدتي شهادتك من وسط عيونهم
صدقيني المدرسة ماشية بيكي وبلاكي .. وشهادتك ما حتاخديها الا بدفع كامل مستحقاتك
بعدين ابغى اقلك حاجة دحين انتي جاية وفاتحة موضوع ( فضيحة ) وجايه تشهري بالمدرسة ومعصبة عشان وقفوكي في الحوش كم ساعة ..
طيب خلينا نقول انك ماشلتي المدرسة من ارضها وماهي هامتك .. فين حق الله !!
هادي مهي فلوس ناس !! ترى كلو زي بعضو فلوس المدرسة زي فلوس اجار البيت زي اي شي
انتي بتاخدي عليه مقابل .. فـ بدل ما تكسري عينك في الارض وتقولي الله يفرج عنهم زي ما هما مستحملينني وبيدرسوني وبيعطوني الدرجات كاملة .. لا بالعكس تجي وتتطلعي زفرك كلو هنا
شوفي هما كيف اتعاملو معاكي .. لمجرد انهم وقفوكي ما هان عليكي
لكن انتي كل يوم في مدرستهم وفوق دا كلو ما تبغي تدفعي ولكي عين كمان تتهجمي !!
خليني اوقف كلامي عن الرسوم لغاية هنا

ما تحسي انو اغلب اللي ردو عليكي ( انتِ )
بدليل انو الاغلب موافقك وسبحان الله نفس الردود في كل المنتديات .. ولو كان مو انتي وكانوا صحباتك
فـ قلي من تعاشر اقل لك من انت ..
بعدين مو كإنوا كان الموضوع عن الرسوم ؟!
اشبو فجأة سار تشهير بخلق الله .. وفلانة وعلانة !
اول شي لا تخافي من احد عشانك بيوزر مجهول .. خافي من اللي اعطاكي العلم والصحة انك تكتبي تقومي اول ما تتهجمي على محصنات غافلات وتقذفيهم و تتغامزي عليهم بإيحاءات قذرة بأسلوب يعني يعني غامض !!
اتخيلي الناس اللي كاتبه عنهم ما سامحوكي ! ودعو عليكي .. لانك قذفتيهم لمجرد اوهام بتدور داخل الكورة اللي بين اكتافك
اتخيلي ياللي عامله نفسك بنت روشة وفاهمة حركات النص كم تجي يوم القيامة انتي ووحدة منهم قدام ربنا .. اش حتسوي !!
ما ابغى اخوفك بس سهام الليل لا تخطئ ودعوة المظلوم ليس بينها وبين الله حجاب .. ودايما خافي من يد تترفع في اخر الليل وتقول يارب عليك بها فإنها لا تُعْجِزك

وصدقيني اي علاقة اخوة وصداقة ممكن تنشأ في اي مكان بين اي اتنين وتكون عميقة جدا ولكنها نظيفة وطاهرة لكن المشكلة لما يكون راسك انتِ مليان بالقذارات .. صدقيني ولا طهارة الدنيا كلها تقدر تغير تفكيرك ..

عموما من نظرة عميقة للموضوع تحسي كإنو الغيرة ناهشة قلبك وثقتك في نفسك معدومة وجالسة بتتخبطي يمين وشمال ومالك هدف ولا غرض من كتابة الموضوع مجرد افكار بتتخبطي فيها ومنتي عارفتلها راس من رجل لدرجة انو ماني شايفة لموضوعك دا اي فائدة اخرج منها

وان كان احد انهان في دا الموضوع واتبعترت كرامتو ونزل مستواه في الارض .. فـ مو اي احد سواكِ
لانو كل اناء بما فيه ينضح .. واللي طلع منك اسود من القطران

فـ اهنيكِ على المستوى والاخلاق اللي انت عليها وكل شي كنت بتخبيه بموضوع ( الفضيحة ) ما انفضح فيه غيرك

: )

سبحانك اللهم وبحمدك اشهد ان لا اله الا انت استغفرك واتوب اليك

**فهدالأحمدي** · 24 May 2008, 01:00 PM

لاحول ولاقوة الا بالله
بصراحه انا من المدينة وماسمعت هالخبر بس طالما كاتبة الموضوع شاهده على الحداثه يجب ان يصل الامر الى السلطات ذوي الاختصاص وبصراحه مهزله ان يحصل مثل تلك التصرفات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ادارة مدرسة المستقبل	لورد قنونا	وزارة الإدارة المدرسية School management	8	02 Oct 2008 06:10 PM
دليل برامج التربية الخاصة في جميع مناطق وقرى المملكة "عناوين وهواتف"	الشموخ...	وزارة ذوي الإحتياجات الخاصة special needs	19	25 Aug 2008 05:28 PM
التعليم في المدينة المنورة	alnour	مركز التطوير التربوي والبحوث والدراسات Centre for Educational Development Research and Studies	3	07 Jun 2008 01:36 PM
تلخيص الادب	حلوه	عربيات وزيرية عامة Arabiyat General	4	25 Apr 2008 08:13 PM
إحداث أكثر من 94 مدرسة للتعليم العام	الحربي2008	وزارة الإعلان والأخبار التعليمية Educational News	1	19 May 2007 07:47 AM