[align=justify][align=center]سيدي الوزير كان لكلماتك الترحيبية بي بالامس بالغ الاثر فلك كل الشكر والثناء
أتمنى أن أكون مشاركة فعاله وأعذروني على التقصير فأنا مشغولة جدا.[/align][/align]

الله يعافيك على هذا الاقتراح المتميز ي يالمري
اولا اقتراحاتك هي مشكله نواجها مش بس بمدارسنا حتى في مدراس الدول العربية
اي ان العالم العربي يعاني من هبوط في مستوى التعليم
واظن ان المشكلة تتعلق باسرة التعليم من ادارة اولا الى معلمين
فبخلق الجو اولا نستطيع جني هذه الثمارات وهي طلاب علم حقيقيين

.............................................=> ياليت الزمان يعود يوما فاحكي له كيف صار التعليم

ادعو من الله ان يعلي راية الاسلام والمسلمين
(فالاسلام ليس دين فقط بل علم يفيدنا ايضا في حياتنا )
فيارب فيارب وفقنا لتبليغ هذا العلم

السلام عليكم
أشكر اخي ا لمري1 جزيل الشكر على هذا الموضوع
وأقترح وضع منتدى خاص بالأفكار التعليميه والتربويه الجديده.والاعلان عن هذا المنتدى في موقع الوزاره والمواقع التعليميه الاخرى......

الأفكار رائعة جدااا وممتازة بس ....... تبي معلمة معها قدر بسيط من الحصص يسمح لها بتطبيق البعض من ها الافكار ( تتنفس ولو شوي ) بس اللي عندهم 21 حصة غير الاحتياط والريادة وغيرة وغيرة مستحيل تقدر عليها يالله يالله تكمل الحصة وبس.......

عندي طلب بسيط اعاني منة ولحد الان مالقيت لة حل ارجوا اني القا الجواب الشافي ممن يقرا كتاباتي الان ............ وهو ( اعتما د الطالبات على اولياء امورهم بعمل اشياء كثيرة مطلوبة منهن
مثل ( ترتيب الام لدروس البنت - الرسم عنها - اكمال بعض الواجبات بخط يد الام عنها ) وغيرها كثير حتا الشغالات الآن صاروا يشاركون البنات بالتعليم وهن بالبيت بالكتابة والرسم واكمال الواجبات ...

المري ..

كل الشكر والتقدير لك على هالموضوع الرائع ..
وكل الشكر والتقدير لكل من تفاعل مع موضوعك ..

عموما ما رح ابخل عليكم رغم اني توني مستجدة بمجال التدريس

اكيد تقولون هذي طفشتنا بكل موضوع تقول انها جديدة بمجال التدريس
تحملوني شوي
مستاسنة اني كبرت وصرت معلمه


لكن فيه فكره قراتها ونفذتها وحسيت فيها تحمس من الطالبات
هي بسيطة ولا تكلف شي ..


الفكرة عبارة عن .. صندوق ااي صندوق يكون شكله مستطيل ومفتوح من اعلى فقط ..

اممم اشلون اشرح لكم

يعني انا جبت كرتون على شكل مستطيلالخاص بالتقاويم ..
المهم اخذت هالصندوق وغلفته من الخارج طبعا الصندوق على شكل مستطيل زين اللي متوفر عندكم
المهم نجي لطرفي الصندوق من اعلى ونثقبه وندخل فيه شريطه على اساس يكون مثل الحقيبه
عندما يحمل على الكتف .. وتفتح من اعلى ..
وسميته صندوق ساعي البريد

اضع بداخله ظروف واكتب على الظرف اسم الطالبه اوكي وبداخل الرساله مكتوب فيها السؤال
عاد انتم ممكن تنوعون ممكن يكون بالرساله سؤال بالدرس او تهنئة او شكر او تكون فارغه كمقلب ا
او فيها اسم طالبه اخرى يوجه لها السؤال انتم عاد تفننوا ..

المهم تختارين طالبه تحمل الصندوق على اساس انها ساعي بريد وحتى ساعي البريد تشوفينهم متحمسين كل وحدة تبي تصير هي ساعي البريد توزع الرسائل تقرا اسم الطالبه على الظرف وتسلم لها الرساله واللي تاصلها الرساله هي تقرا السؤال الموجود بالرساله وتجاوب
وومكن مثل ما قلت لكم يكون شكر لطالبه اخرى او تحمد بالسلامه لطالبه غابت اسبوع بسبب مرضها وكذا ..

ان شاء الله اكون افدتكم بهالفكرة ..



على فكرة ضحكني كلام دلال يا حليلها اقول دلو ترى اللحين عصر السرعه والخدم والدلع مافي وقت..
بس تدرين خوفتيني بهالمشكلة توني اقول يا هادي يعني الله يستر ..

بالفعل ما تم طرحه أفكار رائعة ولكن توجد اشياء لا تستطيع تغييرها مثل مساحة الصف وخاصة اذا أقتضت بعدد كبير من الطالبات ولكن قد تخفف من حدتها بطريقة غير مباشرة فمثلا التنويع في اسلوب طريقة التدريس كاستخدام الاسلوب القصصي والمسابقات والتكنولجيا المتاحة بالمدرسة واحيانا تغيير الصف وشرحه في مكان ثاني